Gernikako Bakearen Museoa

Lehen solairua

1. Zer da Bakea?  

Bakeari buruzko ideia, kontzeptu, pentsamendu eta ikuspuntu ugari, eta, bereziki, ideia garaikide bat, non bakea, gatazkak konpontzeko helburuarekin, berez sortzen den modu positiboan pertsonen arteko harremanetan. Bakearen historiak ez du zertan gatazken amaieraren historia izan.

2. Zer gertatu zen Gernika-Lumon bakerik gabeko une batean?

Gernika-Lumoko historiaren eta Espainiako Gerra Zibilaren irakurketa, bonbardaketaren gertakaria eta gertaera tragiko hartatik bizirik atera zirenek beren erasotzaileekin adiskidetuz eskaintzen diguten bake-lezio eredugarria, baita mundu mailako beste adiskidetze eta bake-bitartekotza batzuk ere.

3. Gernika-Lumoko bonbardaketa berriro irudikatzea

1937ko apirilaren 26a: Denak izan ziren Begoña

1937ko apirilaren 26an Gernika-Lumoko etxe bateko jantokian girotutako ikus-entzunezko baten bidez Gernika-Lumoko bonbardaketa berriro irudikatzea (aretoa 3D formatuan)

4. In memoriam 

Ikusentzunezko hunkigarria, tragediari eta suntsipenari buruzko hausnarketa egitera gonbidatzen duena, baina baita itxaropenari, bizitzari eta Ipar Irlandan, Hegoafrikan eta beste herrialde batzuetan sortutako adiskidetze-prozesuei buruzkoa ere.

Erdi-sotoko solairua aldi baterako erakusketei eskainitakoa da (urtean 3 – 4 ezberdinak egoten dira).

Bigarren solairua

1. Hura bizi izan zutenek kontatutako bonbardaketa  

Gernika-Lumoko bonbardaketaren lekukoek bizitakoa kontatzen digute ikus-entzunezko hunkigarrien bidez. Erakusketa honetan, hainbat unetan jasotako testigantzak erakusten dira: William Smallwoodek (Egurtxiki) 70eko hamarkadan bildutakoak eta Gogora Eusko Jaurlaritzako Memoriaren, Bizikidetzaren eta Giza Eskubideen Institutuak 2018an bildutakoak.

2. Zer gertatzen da gaur egun giza eskubideekin munduan?  

Munduari begirada bat, Picassoren “Guernica”ren bitartez, giza eskubideei buruzko hausnarketa baten bidez, munduko egungo bakearen egoera behatzeko ikuspegi gisa.